बारा । खप्तड गोल्डकप विजेता नेपाल पुलिस क्बबललाई २–० ले हराउँदै हिमालयन शेर्पा क्लब सिमरा गोल्ड कपको सेमिफाइनलमा प्रवेश गरेको छ ।

खप्तड गोल्डकपको उपाधी जितेको २ दिन पछि नै पुलिस सिमरा गोल्डकपमा खेल्न आएको थियो । जसमा पुलिसको टिममा खेलाडीको थकान प्रष्ट देखिन्थ्यो । जसका कारण उसले शेर्पा विरूद्द राम्रो खेल्न सकेन ।

पुलिसका खेलाडी विच अन्तिम १० मिनेट तालमेल नहुँदा हार्न पुग्यो । उसले यो विचमा २ गोल खान पुग्यो । खेलको ८६ औं मिनेटमा त्रिदेभ गुरूङको गोलमा शेर्पाले अग्रता बनायो । त्यसपछि इन्जुरी समयको चौथो मिनेटमा हेमन गुरूङको गोलमा उसले अग्रता दोब्बर पार्यो ।

त्यसपछि पुलिस खेलमा फर्कन सकेन र पराजित भयो । सेमिफाइनलमा हिमालयनले थ्री स्टार क्लब र संकटाको विजेतासँग खेल्नेछ ।