काठमाडौं- अर्जेन्टिनाले भेनेजुएलालाई हराउँदै कोपा अमेरिका फुटबलको सेमिफाईनलमा प्रवेश गरेको छ । आज (शनिबार) बिहान भएको खेलमा अर्जेन्टिनाले भेनेजुएलालाई २–० गोल अन्तरले हराएको हो ।

अर्जेन्टिनाले अब फाईनल प्रवेशका लागि आयोजक ब्राजिलसँग भिड्नेछ । खेलको १० औ मिनेटमा लौटारो मार्टिनेजले गोल गर्दै अर्जेन्टिनालाई सुरुवाती अग्रता दिलाए । त्यस्तै लियोनल मेस्सीको कर्नरमा अग्युरोले डिबक्स भित्रबाट प्रहार गरेको बललाई चलाखीपुर्ण तरिकाले मार्टिनेजले गोल लगाए ।

७४ औ मिनेटमा बैकल्पिक खेलाडी जियोवानी लो सेलोले गोलकिपरको गल्तीको फाइदा उठाउँदै अर्जेन्टिनाका लागि दोस्रो गोल गरेका थिए । अग्युरोको प्रहार गरेको बललाई गोलकिपरले क्लियर गर्न नसक्दा जियोवानीले गोल गर्न सफल भएका थिए ।