काठमाडौं – युरोपीयन फुटबल क्लबहरुको सुरुवा बजारमा विभिन्न खेलाडीहरुको चर्चा भइरहँदा रियल मड्रिडका खेलाडी ह्यामेस रोड्रिग्युजका बुबाले उनलाई नापोली जान सुझाएका छन् ।

कोलम्बियाका स्टाइकर रोड्रिग्युजका लागि यो समयमा नापोली उत्कृष्ट क्लब भएको उनका बुबा विल्सन ह्यामेस रोड्रिग्युज बेडोयारले बताएका हुन् ।

२०१७ मा लोनमा बार्यन म्युनिख पुगेका ह्यामेसका लागि अब नयाँ सिजनमा कुन क्लबसँग आवद्ध हुने भन्ने चर्चा भइरहँदा उनका पिताले यस्तो सुझाएका हुन् ।
उनले ह्यामेसलाई नापोलीका प्रशिक्षकले राम्रो चिनेको र उनको मूलय पनि राम्रो दिने बताउँदै अहिलेका लागि नापोलीमा जानु छोराका लागि सुखद् हुने बताएको स्पेनिस फुटबल पत्रिका मार्काले उल्लेख गरेको छ ।

‘यो महत्वपूर्ण क्लब हो । अहिलेको अवस्थामा रोड्रिग्युजका लागि राम्रो समाधान हो,’ रोड्रिग्युजका बुबाले भने ।