लण्डन– भारतको मुम्बईबाट अमेरिकाको नेवार्क शहरका लागि उडेको भारतीय विमानमा बम रहेको हल्ला फैलिएपछि बेलायतमा आकस्मिक अवतरण गरिएको छ ।

एअर इण्डियाको फ्लाइट एआई १९१ लण्डन स्टान्स्टेड विमानस्थलमा आकस्मिक अवतरण गरिएको हो । बेलायती अधिकारीका अनुसार एअर इण्डियाको बोइङ ७७७–३३७ विमानमा बम रहेको हल्ला फैलेपछि बेलायती सेनाको टाइफुन लडाकु विमानले स्कर्ट गरी लण्डन स्टान्स्टेड विमानस्थलमा अवतरण गरिएको थियो ।

उक्त विमान उडेपछि मुम्बई विमानस्थलमा एकजनाले विमानमा बम रहेको हल्ला फैलाएपछि आतंक मच्चिएको थियो । पछि विमानमा कुनै बम नभएको पुष्टि भएको जनाइएको छ । यसबारे थप अनुसन्धान भइरहेको अन्तर्राष्ट्रिय सञ्चारमाध्यमले जनाएका छन् ।