काठमाडौँ – भारतीय प्रधानमन्त्री नरेन्द्र मोदीले नेपालका प्रधानमन्त्री शेरबहादुर देउवालाई धन्यवाद दिएका छन् । आफ्नो जन्मदिनको अवसरमा शुभकामना दिएकोमा देउवालाई मोदीले धन्यवाद दिएका हुन् ।
शनिबार देउवाले ट्विटरमार्फत् मोदीलाई जन्मदिनको शुभकामना दिँदै उनको सुस्वास्थ्य र सफलताको कामना गरेका थिए ।
मोदीले आज ७१औं जन्मदिन मनाएका छन्। उनकाे जन्मदिनकाे अवसरमा भारतभर विभिन्न कार्यक्रमहरू आयोजना गरिएको थियो । मोदीको जन्मदिन उनको दल भारतीय जनता पार्टीले २० दिनसम्म मनाउने भएको छ।
मोदीको जन्मदिनका अवसरमा भाजपाले देशभरि विभिन्न कार्यक्रम आयोजना गरेको थिए ।मोदी सन् २०१४ मा भारतका प्रधानमन्त्री बनेका थिए।
प्रतिक्रिया