पोखरा – नगेन आर्ट एकेडेमीको आयोजनामा र्ईण्डो–नेपाल फ्रेण्डसिप अन्तर्राष्ट्रिय चित्रकला प्रदर्शनी आजदेखि पोखरामा सुरु भएको छ ।

घामपानी मार्केट चिप्लेढुङ्गास्थित एकेडेमीकै हलमा गरिएको प्रदर्शनीमा भारतका सात र नेपालका १९ कलाकारका ३३ कलाकृति राखिएका छन् । प्रदर्शनी आगामी असोज १४ गतेसम्म रहनेछ ।

प्रदर्शनीको एक समारोहबीच उद्घाटन गर्दै पोखरा महानगर प्रमुख धनराज आचार्यले नेपाल भारत बीचको द्विपक्षीय सम्बन्धलाई कलात्मक सम्बन्धका रुपमा विकास गर्न प्रदर्शनी सफल बन्ने विश्वास व्यक्त गरे । उनले देश र विदेशका कलाकारको कला प्रवद्र्धन गर्न यस्ता कार्यक्रम महत्वपूर्ण हुने उल्लेख गर्दै कलाको विकासमा सहकार्य गर्न महानगरपालिका प्रतिबद्ध भएको बताए ।

नेपाल ललितकला प्रज्ञा प्रतिष्ठानका पूर्वप्राज्ञ विश्वकला यात्री नगेन सिंहले नेपालमा कला विकासका लागि ललितकला विकास बोर्डको स्थापना गर्नुपर्ने बताए । कलाकारलाई राष्ट्रका गहना मात्र नभई अभिन्न अङ्गका रुपमा घोषणा गर्नुपर्ने उल्लेख गर्दै उहाँले प्रत्येक सरकारी विद्यालयमा कला शिक्षाका साथै नगर तथा गाउँपालिकामा कला विभाग स्थापना गर्नुपर्ने आवश्यकता भएको बताए ।