काठमाडौं-अमेरिकी दूतावासले नेपालका पूराना तस्वीरलाई सामाजिक सञ्जालबाट सार्वजनिक गर्दै पूर्वाधारको विकासमा गरेको सहयोग उल्लेख गरेको छ ।

देशका विभिन्न स्थानमा पूर्वाधार निर्माणका क्रममा गरेको सहयोग उल्लेख गर्दै दूतावासले अमेरिकी सहयोगले नेपालमा विगतदेखि नै रोजगारी तथा आर्थिक क्रियाकलापमा उल्लेख्य वृद्धि गरेको उल्लेख छ ।

दूतावासले लेखेको फेसबुक स्टाटस यस्तो छ-‘के तपाईंलाई थाहा छ नेपालका केही अत्यन्तै उल्लेख्य पूर्वाधारहरू: २२ किमी धोर्सिङ-चिसापानी-चन्द्रागिरी-काठमाडौं रोपवे, बालाजु औध्योगिक क्षेत्र, चितवन-हेटौंडा सडकसमेत १२० भन्दा बढी सडक, पूलहरू, र विद्यालयहरू अमेरिकी सरकारको सहयोगमा निर्माण भएका थिए, जसले स्थानीय रूपमा रोजगारी र आर्थिक कृयाकलापमा उल्लेख्य वृद्दि गरेको थियो।’

हेर्नुहोस दूतावासको स्टाटस