लमजुङको दोर्दीमा पहिरोले ४ घर विस्थापित, ६ घर उच्च जोखिममा

१६ भदौ २०७९, बिहिबार

पढ्न लाग्ने समय : < 1 मिनेट

लमजुङ- लमजुङको दोर्दी गाउँपालिका- ६ ढोडेनीमा पहिरोले चार घर विस्थापित भएको छ ।

बस्तीमाथिबाट आएको पहिरोले ढोडेनीका लक्ष्मण तामाङ, निरबहादुर तामाङ, विक्रम तामाङ र राममाया तामाङको घर विस्थापित भएको स्थानीय लालबहादुर गुरुङले बताए ।

उनका अनुसार पहिरोले गाउँका ६ घरसमेत उच्च जोखिममा परेको छ । पहिरोले भौतिक संरचनामा क्षति भए पनि मानवीय क्षति नभएको प्रहरीले जनाएको छ ।

प्रकाशित मिति : १६ भदौ २०७९, बिहिबार ३ : १९ बजे

प्रतिक्रिया