काठमाडौं- सरकारले संसदमा पेश गरेको आगामी आर्थिक वर्षको विनियोजन विधेयक बहुमतले पारित भएको छ ।

गत जेठ १५ गते संघीय संसदको संयुक्त सदनमा पेश गरेको बजेटमाथिको मन्त्रालयगत छलफल सकिएसँगै प्रतिनिधिसभाबाट विनियोजन विधेयक पारित भएको हो ।

संसदको आजको बैठकमा अर्थमन्त्री डाक्टर युवराज खतिवडाले विनियोजन विधेयक पारित गर्न राखेको प्रस्ताव बहुमतले पारित भएको हो । आगामी आर्थिक वर्षका लागि सरकारले १५ खर्ब ३२ अर्बको बजेट संसदमा पेश गरेका थिए । आगामी आर्थिक वर्षका लागि सरकारले साधारण खर्चचर्फ ९ खर्ब ५७ अर्ब , पुँजीगत खर्चतर्फ ४ खर्ब ८ अर्ब र वित्तीय व्यवस्थातर्फ १ खर्ब ६७ अर्ब विनियोजन गरिएको छ ।

९ खर्बको ८१ अर्बको राजश्व संकलन गर्ने लक्ष्य लिएको सरकारले वैदेशिक ऋण करिब ३ खर्ब र ५७ अर्ब वैदेशिक अनुदान र १ खर्बभन्दा बढि रकम आन्तरिक ऋण उठाउने लक्ष्य लिएको छ ।

त्यसअघि प्रतिपक्षी दलका सांसदहरुले विभिन्न मन्त्रालयहरुमा राखेको खर्च कटौतीको प्रस्ताव बहमुतले अस्विकृत भएको थियो । विनियोजन विधेयक पारित भएसँगै सरकारले राष्ट्र ऋण उठाउने विधेयक संसदमा पेश गरेको छ ।