काठमाडौँ–  राष्ट्रिय स्वतन्त्र पार्टीले भोलि उपत्यका भेला आयोजना गर्ने भएको छ । काठमाडौंको खुला मञ्चमा  काठमाडौं, ललितपुर र भक्तपुरसहितका जिल्ला समेटेर उपत्यका भेला आयोजना गर्न लागेको हो । 

उक्त भेलामा  उपत्यकाभित्रका ३ वटै जिल्लाका समितिहरू गठन हुने भएकाे छ । परिवर्तनको लहरलाई स्थापित गर्न चाहने आकांक्षी  उम्मेदवारले सोही मञ्चबाट पहिलो पटक बोल्ने जनाइएको छ । 

गत असार ७ गते राष्ट्रिय सभागृह काठमाडौंबाट पार्टी घोषणा भएको थियो । देश दौडाहा गरेर काठमाडौँ फर्किएका रबी लामिछने अहिले आफ्नो पार्टी बाट उठाउन देशभरबाट स्वतन्त्र उम्मेद्वार पनि खोजी रहेका छन् । भेलामा उपस्थित हुन राष्ट्रिय स्वतन्त्र पार्टीले काठमाडौंका ठाउँ ठाउँमा ब्यानरहरू टाँसेको छ । 

पार्टी सभापति लामिछानेले लेखेका छन्  ‘हामी पर्सि खुलामञ्चमा सभा मात्र होइन  एउटा सुनौलो युगको सुरुवात गर्न चाहन्छौँ ।  युवाको युग , सक्षमहरुको युग, नयाँ राजनीतिक संस्कारको युग । शनिबारको उपत्यका भेलामा हामी सँगै मञ्चमा प्रदेश सांसद बिराज भक्त श्रेष्ठ, वातावरणविद्  डा. अरनिको पाँडे, सत्याग्रही अभियन्ता पुकार बम, युवा नेता डा. प्रणय शमशेर राणा , शिक्षाविद् शिशिर खनाललगायत अन्य वक्ताहरू हुनु हुने छ’।