अर्घाखाँची– ब्रोडकास्टिङ एशोसियसन नेपाल बानको लुम्बिनी प्रदेश सचिवमा अर्घाखाँचीका सञ्चार उद्यमी हरिप्रसाद भुसाल निर्वाचित भएका छन् ।

काठमाडौँमा सम्पन्न बनको १८ औं साधारणसभा तथा सतौँ अधिवेशनले भुसाललाई सर्वसम्मत रुपमा बानको लुम्बिनी प्रदेश सचिवमा निर्वाचित गरेको हो ।

अर्घाखाँची सदरमुकाम सन्धिखर्कमा करिब १० वर्षदेखि रेडियो सञ्चालन गरिरहेका भुसाल न्युज कारखानाका स्थानीय संवाददाता समेत हुन् । भुसाल नयाँ एफ.एम. ८७ दशमलव ६ मेगाहर्जका स्टेसन म्यानेजर तथा सञ्चालक हुन् ।

लामो पत्रकारिताको अनुभव रहेका भुसालले प्रदेशमा रहेका रेडियोहरूको संस्थागत विकासका लागि आफूहरू प्रतिवद्ध रहेको बताए । विभिन्न सामाजिक गतिविधिमा सक्रिय भुसाल स्वतन्त्र पत्रकार संघ अर्घाखाँचीको संस्थापक अध्यक्षसमेत हुन् ।