हलिउड अभिनेत्री एन्जेलिना जोलीले आफू राजनीतिमा आउन सक्ने संकेत दिएकी छिन् । उनले कलाकार–निर्देशकबीच हालै भएको एक साक्षात्कार कार्यक्रममा आफू राजनीतिमा आउने सक्ने बताएकी हुन् । उनी केही समययता राजनीतिमा इन्ट्री गर्ने सक्ने चर्चा चलेको थियो ।

एक पत्रकारले सोधेको प्रश्न दिँदै जोलीले भनेकी छिन्, ‘साँच्चै भन्ने हो भने २० वर्ष पहिले मलाई कसैले यही सोधेको भए शायद म हाँस्दी हुँ, मैले सधै भनेँ, म त्यहीँ जानेछु, जहाँ मेरो आवश्यकता छ ।’

उनले आफूलाई राजनीतिमा आउनु ठीक भएको या नभएको भन्नेमा अझै भन्न नसकिए पनि शायद आफूमा राजनीतिज्ञमा हुनुपर्ने प्रतिभा भएको हुनसक्ने बताइन् । उनले भनिन्, ‘म जुनसुकै चुनौतीका लागि पनि तयार छु ।’

जोलीको वैवाहिक जीवन खासै सफल छैन । ४३ वर्षीय जोलीले आफ्नो जीवनकालमा ३ बिहे गरिन् तर ती कुनै पनि सफल हुन सकिनन् । उनी पछिल्लो समय हलिउड अभिनेता ब्राड पिटसँग सम्बन्धमा थिइन् । पछि उनले ब्राडसँग पनि पारपाचुके गरेकी थिइन् ।