अछाम– अछामको पन्चदेवल विनायक नगरपालिकाका नगर प्रमुख अम्बिका चलाउनेले नगरमा उज्यालो अभियानको प्रारम्भ भएको बताएकी छन् । नगरलाई उज्यालो बनाउने अभियान अन्तरगत पालिकाको वडा नम्बर एकमा केन्द्रीय प्रसारण लाइन बत्तिको उद्घाटन गर्दै उनले कुईकाबाट उज्यालो नगरको सुरुवात भएको बताईन् ।

पालिकाको एक नम्बर वडामा बत्तीको उद्घाटन भए सङ्गै निकट समयमै २ र ३ नम्बर वडामा बत्ती बल्ने उनले दाबी गरिन । उद्घाटन कार्यक्रममा सम्बोधनका क्रममा उनले भनिन्, ‘नगरको एक नम्बरबाट बत्ती जडान सुरु भएको छ ।अब भौतिक निर्माणको काम ९ नम्बरबाट सुरु हुनेछ।’

नगरको सर्वाङ्गीण विकासका लागि ग्रामीण क्षेत्रबाट विकासका कामहरूको सुरुवात हुने उनले बताइन् ।

कार्यक्रममा सम्बोधनका क्रममा नगर उपप्रमुख हर्क बहादुर रावलले आफ्नो कार्यकालमा नगरका हरेक घरमा केन्द्रीय प्रसारण लाइनको बिद्युत् पुग्ने बताए ।