आज २०७९ साल भाद्र ८ गते बुधबार । सन् २०२२ को अगस्ट २४ तारिख । आजको दिन इतिहासमा भएका केही महत्वपूर्ण घटनाक्रम यस्ता छन् ।

सन् २००६ अगस्ट २४ मा अन्तर्राष्ट्रिय खगोलीय संघ आईओयूले ग्रहलाई पुनर्भाषित गर्ने क्रममा प्लूटोलाई ग्रहको समुहबाट भिन्न गरेको थियो । सो संघले प्लूटोलाई उपग्रहको समूहमा समावेश गरेको थियो ।

सन् २००४ अगस्ट २४ मा रुसको मस्को नजिक चेचन्या आत्मघाती हमलाकारीले २ एयरलाइनर विस्फोट गर्दा ८९ यात्रुहरुको मृत्यु भएको थियो ।

सन् १८१४ अगस्ट २४ मा मेजर जनरल रोबर्ट रसको नेतृत्व बेलायती सेनाले वासिङ्टन डीसी कब्जा गरेर आगो लगाएका थिए ।

सन् १९९२ अगस्ट २४ मा एन्ड्रयू नामक तुफानका कारण फ्लोरिडा क्षतिग्रस्त भयो । संयुक्त राज्य अमेरिकामा सो तुफानले २६.५ अर्ब अमेरिकी डलरको क्षति गर्नुको साथै ६५ जनाको ज्यान लिएको थियो ।

सन् १९९१ अगस्ट २४ मा युक्रेनले आफूलाई स्वतन्त्र घोषणा गर्‍यो । सोभियत राष्ट्रपति मिखाइल गोर्बाचेभलाई हटाउन गरिएको कु विफल भएसँगै यूक्रेनले स्वतन्त्रता घोषणा गरेको थियो ।

सन् १९८१ अगस्ट २४ मा मार्क डेभिड च्यापम्यानलाई पूर्व ब्यान्ड बीटल्सका सदस्य जोन लेननको हत्या गरेको सजाय स्वरुप २० वर्ष जेल सजाय सुनाइएको थियो ।

सन् १९६३ अगस्ट २४ मा ‘मेटल गियर सिरिज’ का सिर्जनाकर्ता र निर्देशक एयु कोजिमाको जन्म भएको थियो ।

सन् १९५४ अगस्ट २४ मा संयुक्त राज्य अमेरिकामा कम्युनिष्ट विरोधी भाव बढेसँगै कांग्रेसले कम्युनिष्ट नियन्त्रण ऐन पास गरेको थियो ।

सन् १८९१ अगस्ट २४ मा थोमस एडिसनले चलचित्र क्यामेराको पेटेन्टको लागि निवेदन दिएका थिए ।

सन् १८६९ अगस्ट २४ मा संयुक्त राज्य अमेरिकाले ‘वाफल फलाम’ पेटेन्ट गरेको थियो । वाफल पकाउन बनाएको सो फलामको पेटेन्ट न्यूयोर्कका बासिन्दा कर्नेलियस स्वार्टवाउटले प्राप्त गरे ।