जुम्ला- हिमा गाउँपालिका वडा नम्बर १ ले सामाजिक सुरक्षा भत्ता बुझ्न जाने सर्वसाधारणलाई यातायात सुविधाकाे समेत व्यवस्था गर्न थालेको छ । सुरक्षा भत्ता बुझ्न जान र आउन सहज होस् भनेर उनीहरूलाई यातायातको सुविधा दिन थालेको हो ।
यहाँबाट बैंकसम्म जान एक दिन लाग्ने भएकाले वडा कार्यालयले नै यातायात सुविधा दिएको वडाध्यक्ष रतनबहादुर शाहीले बताए । उनले भने, ‘प्रत्येक पटक सामाजिक सुरक्षा भत्ता बुझ्न जाने नागरिकका लागि यो सुविधा दिइनेछ ।’
वडाध्यक्ष शाहीका अनुसार चार सय ५७ जनालाई सामाजिक सुरक्षा भत्ताका लागि बसको व्यवस्थापन गरिएको हो । बैंकले त्रैमासिक रूपमा भत्ता प्रदान गर्दै आएका छन् ।
प्रतिक्रिया