काठमाडौं– धरानमा जारी बुढासुब्बा गोल्डकपमा पोखराको साहारा क्लबलाई पराजित गर्दै विभागीइ टिम नेपाल पुलिस क्लबले शीर्ष चारमा स्थान बनाएको छ ।

सोमबार धरान रंगशालामा सहारालाई सडन डेथमा पुलिसले ४—३ गोल अन्तरले पराजित हराएको हो । खेलको निर्धारित ९० मिनेटसम्म १—१ गोलको बराबरी खेलेपछि खेल टाइब्रेकरमा धकेलिएको थियो । खेलको ३३ औं मिनेटमा पुलिसका लागि निर कुमार राईको गोलमा सहाराविरुद्ध अग्रता लिएको थियो ।

तर, खेलको दोस्रो हाफमा पुलिसका खेलाडीले फाउल गरेपछि साहाराले पेनाल्टी पाएको थियो । पेनाल्टी प्रहार गरेका साहाराका विश्व अधिकारीले उक्त अवसरलाई सदुपयोग गर्दै ८४ औं मिनेटमा गोल गरे ।

धरान फुटबल क्लबको आयोजनामा भएको प्रतियोगितामा ८ टिमले प्रतिस्पर्धा गरिरहेका छन् । गोल्डकपको विजेताले ८ लाख पाउनेछ भने उपविजेताले ४ लाख प्राप्त गर्ने आयोजकले जनाएको छ ।