काठमाडौं – नायिका करिश्मा मानन्धरलाई सदावहार अभिनेत्री पनि भन्ने गरिन्छ । पछिल्लो समय करिश्मा फिल्म क्षेत्रमा भने त्यति सक्रिय छैनिन् । कुनै समय एकपछि अर्को गर्दै फिल्ममा व्यस्त भएकी करिश्मा केही वर्ष यता भने फिल्मका कार्यक्रममा सामेल हुनुमा नै सीमित भएकी छिन् ।

राजनीतिले पनि करिश्मालाई फापेन । नयाँ शक्ति पार्टीमा लागेकी करिश्मा बाबुराम भट्टराईले उपेन्द्र यादवसँग पार्टी एकता गरेपछि उनी राजनीतिबाट बाहिरिएकी छिन् । बरु उनले सामाजिक सञ्जालमा आफ्नो खुबै उपस्थिति देखाइएकी हुन्छिन् । सामाजिक सञ्जालमा करिश्माले विभिन्न तस्वीरहरु शेयर गरिरहेकी हुन्छिन् । राजन‍ैतिक विचार पनि राखिरहेकी हुन्छिन् ।

कहिले करेसाबारीमा काम गरेका तस्वीर त कहिले चट्याङ पर्दाका तस्वीर शेयर गर्ने गरेकी करिश्मा फाटफुट कार्यक्रम र फिल्मको प्रिमियरमा देखिन्छिन् । हालै करिश्मा चलचित्र ‘दाल भात तरकारी’ को एकाउन्न दिन मनाएको उपलक्ष्यमा राखिएको कार्यक्रममा भेटिइन् । कार्यक्रममा पुगेकी करिश्माको रुपको धेरैले खुलेर प्रशंसा गरे । उनलाई देखेर कतिपयले उनलाई सदावहार नायिका भनिरहेका थिए ।

पछिल्लो समय करिश्मा फिल्म क्षेत्रमा सक्रिय छैनिन् । तर उनले दर्शकको ध्यान भने कुनै न कुनै माध्यमबाट खिचिरहेकी छिन् ।