काठमाडौं – शनिबार फ्रान्सेली लिग वान च्याम्पियन पेरिस सेन्ट जर्मेन (पीएसजी) बाट बाहिरिएको घोषणा गरेका ड्यानी अल्भासले बार्सिलोना जाने इच्छा देखाएको बताइएको छ ।

ब्राजिलका डिफेन्डर अल्भासले कुन क्लबमा जाने निश्चित नहुँदै पीएसजी छाडेका थिए । उनले जाने इच्छा देखाएपनि बार्सिलोनाले उनीप्रति भने रुची नदेखाएको स्पेनिस फुटबल पत्रिका मार्काले उल्लेख गरेको छ ।

३६ वर्षीय डिफेन्डरले बार्सिलोना फर्किने इच्छा जाहेर गरेपनि क्याम्प नाउनले भने उनमा मन नलगाएको पत्रिकाले उल्लेख गरेको छ ।

स्पेनको रेडियो नेटवर्कलाई उदृत गर्दै मार्कोले आल्भास आफैले बार्सिलोना जाने प्रस्ताव गरेको जनाएको छ ।उनी बार्सिलोनामा रहँदा बार्सिलोनाले ३ पटक च्याम्पियन्स लिग उपाधि हात पारेको थियो ।

भेट्रान खेलाडी अल्भासले क्याम्प नाउ छाड्दा बार्सिलोनाको चर्को आलोचनासमेत भएको थियो ।