पोखरा – राष्ट्रपति विद्यादेवी भण्डारी गुरुङ जातिको महत्त्वपूर्ण चाड ‘ट्होटें’ मनाउनका लागि भोलि पोखरा आउने भएकी छन्।
तमु धिं नेपालले पोखरामा आयोजना गर्न लागेको ट्होटें विशेष समारोहमा सहभागी हुनका लागि राष्ट्रपति भण्डारी पोखरा आउने भएकी हुन् ।
तमु धिँ नेपालका अध्यक्ष हुमबहादुर गुरुङकाअनुसार राष्ट्रपति भण्डारीले सो पर्वको उद्घाटन तथा अवलोकन गर्नेछिन्। त्यसअघि बिहान ११ बजे चिप्लेढुङ्गास्थित मानवअधिकार चोकबाट गुरुङ समुदायले आ–आफ्नो सांस्कृतिक तथा धार्मिक भेसभुसामा र्याली प्रदर्शन गर्नेछन् ।
गुरुङ समुदायले पोखरालगायतका आसपास क्षेत्रमा हरेक वर्ष धूमधामका साथ ट्होटें पर्व मनाउँदै आएको छ ।
प्रतिक्रिया