काठमाडौँ – आज २०७९ साल साउन २८ गते शनिबार । सन् २०२२ को अगस्ट १३ तारिख । यस्ता छन् आजको दिन इतिहासमा भएका विभिन्न घटनाक्रम मध्ये केही महत्त्वपूर्ण घटनाक्रम :

सन् १९९३ अगस्ट १३ मा संयुक्त राज्य अमेरिकाको पुनरावेदन अदालतले तत्कालीन कङ्ग्रेस, ह्वाईट हाउस र संघीय संस्थाहरुले इ–मेल सेभ गर्नु पर्ने निर्णय गरेको थियो ।

सन् १९८९ अगस्ट १३ मा इथियोपियाको पहाडी इलाकामा मानवीय मिसनमा गएका संयुक्त राज्य अमेरिकाका मिकी लेल्यान्ड र अन्य व्यक्तिहरु सवार विमान दुर्घटनामा परेको थियो । सो दुर्घटनामा सबैको ज्यान गएको थियो ।

सन् १९६१ अगस्ट १३ मा बर्लिन वालको निर्माण सुरु भएको थियो । जर्मन लोकतान्त्रिक गणतन्त्र वा पूर्वी जर्मनीले पूर्व बर्लिन र पश्चिम बर्लिनलाई विभाजन गर्ने सो पर्खालको निर्माण सुरु गरेको थियो ।

सन् १९६० अगस्ट १३ मा सेन्ट्रल अफ्रिकन रिपब्लिकले फ्रान्सबाट स्वतन्त्रता प्राप्त गर्‍यो । सन् १९ औँ शताब्दीको अन्त्यतर्फ फ्रान्सले सो राष्ट्रलाई कब्जा गरेको थियो । राष्ट्रवादी राजनीतिज्ञ बार्थेलेमी बोगान्डाले स्वतन्त्र घोषणा गर्दै पहिलो प्रधानमन्त्रीको जिम्मेवारी सम्हालेका थिए ।

सन् १९१८ अगस्ट १२ मा ओफा मे जन्सन संयुक्त राज्य अमेरिका मरिनमा जोडिने पहिलो महिला बनिन् । भर्जिनियाको आर्लिङ्टनमा भएको मराइन कार्पसको मुख्यालयले उनलाई डेस्कको जिम्मेवारी सुम्पिएका थिए ।

सन् १९४८ अगस्ट १३ मा बर्लिन एयरलिफ्टको क्रममा बर्लिनको मौसम तुफानी भएसँगै अमेरिकी प्लेनलाई राहत सामाग्री वितरण गर्न समस्या भएको थियो । यस दिनलाई ‘ब्ल्याक फ्राइडे’ मानिएको थियो ।

सन् १९१० अगस्ट १२ मा क्रिमिया युद्धको दौरान बेलायती सिपाहीको स्याहार गर्ने प्रसिद्ध  बेलायती नर्स फ्लोरेन्स नाइटिङ्गलको मृत्यु भएको थियो ।

सन् १८९९ अगस्ट १३ मा बेलायती निर्देशक र निर्माता अल्फ्रेड हिच्कक्को जन्म भएको थियो । ६ दशकको चलचित्र जीवनमा उनले ५० फिचर फिल्मको निर्माण गरेका थिए । उनलाई ‘मास्टर अफ सस्पेन्स’ को उपनाम दिइएको थियो ।

सन् १८८९ अगस्ट १३ मा कनेक्टिकटको हार्टफोर्डका विलियम ग्रेले सिक्काद्धारा सञ्चालन हुने टेलिफोनको प्याटेन्ट प्राप्त गरे । यसपश्चात उनले ‘ग्रे टेलिफोन पे स्टेसन कम्पनी’ को स्थापना गर्दै आफ्नो आविष्कारको बजारीकरण गरे ।

सन् १९९७ अगस्ट १३ मा साउथ पार्क नामक अमेरिकी यानीमेटेड सिरिजको प्रसारण कमेडी सेन्ट्रलमार्फत सुरु भयो । ट्रे पार्कर र म्याट स्टोनको संयुक्त निर्माणमा बनेको प्रसिद्ध सिरिज विवादित विषयको उठान र भाषा शैलीका कारण ओलोचनमा परेको थियो । सो सिरिजले ‘आउस्ट्यान्डिङ् यानीमेटेड प्रोग्राम’ अन्तर्गत सन् २००५, २२०७, २००८, २००९ र २०१२ मा एम्मी अवार्ड जितेको थियो ।