उदयपुर – उदयपुरको कटारी नगरपालिका-४ तित्रीबोटमा एक जना ज्येष्ठ नागरिकको शव इनारभित्र फेला परेको छ।

कटारी नगरपालिका-४ तित्रीबोटका ७० वर्षीय पन्चसिंह दनुवारको शव इनारभित्र फेला परेको इलाका प्रहरी कार्यालय कटारीले जनाएको छ। परिवारकै सदस्यले इनारमा शव देखेपछि प्रहरीलाई खबर गरेका थियो।

घटनास्थल पुगेर शव निकालेर पोस्टमार्टमका लागि कटारी अस्पताल लगिएको इलाका प्रहरी कार्यालय कटारीका प्रमुख डीएसपी  मानबहादुर राईले  राईले बताए। घटनाका विषयमा थप अनुसन्धान भइरहेको पनि उनले जानकारी दिए। ‘ कसरी घटना भयो अनुसन्धान गरिरहेका छौँ ’, डिएसपी राईले भने।

घटना लगत्तै सशस्त्र प्रहरी वेस क्याम्प कटारीका प्रमुख प्रहरी निरीक्षक भूपेन्द्र बस्नेतलगायतका प्रहरीको टोलीले शव इनारबाट निकालेको थियो।