बलिउड अभिनेत्री माधुरी दीक्षितले आफ्नो अभिनय र नृत्यका कारण धेरैको दिल जितेकी छिन् । माधुरीका जबरजस्त फ्यान फलोइङ छन् । तर कमैलाई थाहा छ कि माधुरीले ३ वर्षको उमेरबाट नै कथक नृत्यका लागि तालिम लिएकी थिइन् । माधुरीले ८ वर्षको उमेरमा नै पहिलोपटक स्टेजमा आफ्नो प्रस्तुति देखाएकी थिइन् ।

त्यतिबेला आफ्नी आमाले छोटो उमेरमा नै नाचेको भन्दै झनै प्रोत्साहित गरिन् ।

हालै भारतीय टेलिभिजन च्यानल डान्स इन्डिया डान्स वीवानेको सिजन २ को सेटमा माधुरीले कैयन् अनुभव शेयर गरिन् । माधुरीले एक १० वर्षकी बालिका भेटिन् । मनस्वी नामकी ती प्रतियोगीले १ वर्षको उमेरदेखि नै नृत्य सिक्न थालेकी थिइन् ।

माधुरीले भनिन्, ‘मनस्वीलाई देखेर मलाई आफ्नो बाल्यकाल याद आयो, कसरी डान्स कक्षाले मलाई कसरी करिअर अगाडि बढाउन सघायो, मैले ३ वर्षको उमेरमा नै कथक नृत्य सिक्न थालेकी थिएँ ।’

माधुरी ती बालिकाको प्रस्तुति देखेर आफ्नो बाल्यकाल सम्झेको बताइन् । साथै उनले भनिन्, ‘कोही व्यक्तिलाई पनि सिकाइका लागि उमेर छोटो र लामो भन्ने हुँदैन ।’