काठमाडौं- कोपा अमेरिका फुटबल अन्तरगतको दोस्रो खेलमा जापानले अंक बाडेको छ । शुक्रबार बिहान भएको खेलमा जापान उरुग्वेसँग अंक बाडेको हो ।

ब्राजिलमा भएको खेलमा उरुग्वे र जापानले २–२ गोलको बराबरी खेले ।

समूह सी अन्तर्गतको खेलमा उरुग्वेविरुद्ध खेलको २५ औं मिनेटमा जापानले अग्रता बनाएको थियो । जापानका लागि कोजि मियोसिले गोल गर्दै टिमलाई अग्रता दिलाएका थिए ।

त्यसको केहि मिनेट भित्रै अर्थात् ३२ औं मिनेटमा उरुग्वेका लुइस स्वारेजले पेनाल्टीमार्फत गोल गर्दै खेल १–१ गोलको बराबरी पुर्‍याएका थिए ।

त्यस्तै, खेलको ५९ औं मिनेटमा जापानका कोजिले व्यक्तिगत तथा टिमका लागि दोस्रो गोल गर्दै उरुग्वेविरुद्ध २–१ अग्रता बनाएका थिए ।

तर, जापानविरुद्ध उरुग्वेका जोस गिमीनेजले ६६ मिनेटमा दोस्रो गोल फर्काएसँगै खेल बराबरीमा पुगेको थियो । पछि दुवै टोलीले गोल थप्न नसकेपछि दुवै टोली अंक बाड्न बाध्य भए ।