काठमाडौं-आईसीसी एकदिवसीय विश्वकप क्रिकेटमा आज (शुक्रबार) इङ्ग्ल्यान्ड र श्रीलंकाबीच प्रतिस्पर्धा हुँदैछ । इङ्ग्ल्यान्डको हेलिङ्ले लिड्स मैदानमा हुने खेलमा उपाधि दाबेदार इंग्ल्यान्ड र श्रीलंकाबीचको खेल नेपाली समय अनुसार सवा ३ बजे शुरु हुनेछ ।

तुलनात्मक रुपमा बलियो इंग्ल्याण्ड पाँचौ जितको खोजीमा हुनेछ । इंग्ल्याण्डले ५ खेलमा ४ जित र १ हार व्यहोर्दै ८ अंक जोडेको छ । तेस्रो स्थानमा रहेको इंग्ल्याण्ड श्रीलंकालाई पराजित गर्दै तालिकाको शीर्ष स्थानमा उक्लिने लक्ष्यमा छ ।

श्रीलंका भने इंग्ल्याण्डलाई पराजित गर्दै आफुलाई उपाधि दाबेदारको रुपमा उभ्याउन चाहन्छ । जसको लागि श्रीलंका बलियो इंग्ल्याण्डविरुद्ध चामत्कारिक प्रदर्शन गर्न चाहन्छ ।

श्रीलंकाले ५ खेलबाट ४ अंक जोडेको छ । श्रीलंकाले १ जित निकाल्दा २ हार र २ खेल बराबरी खेलेको छ ।