काठमाडौँ– नेपाल चेम्बर अफ कमर्शले मुलुकमा गाँजा खेती गर्ने वातावरण बनाउन आग्रह गरेको छ ।
आज सिंहदरबारमा सभामुख अग्निप्रसाद सापकोटासँगको भेटवार्ताका क्रममा चेम्बरका अध्यक्ष राजेन्द्र मल्लले गाँजा खेती गर्ने वातावरण बनाउन आग्रह गरेका हुन् ।
उनले मुलुकमा व्यवस्थित ढङ्गले गाँजाको खेती गर्ने वातावरण बनाउन र उक्त गाँजा निर्यात गर्न सके व्यापार घाटा कम गर्न सकिने बताए ।
अध्यक्ष मल्लले गाँजा खेतीलाई नियमन तथा व्यवस्थापन गर्न बनेको विधेयकलाई तत्काल अघि बढाउन सभामुखको ध्यानाकर्षण समेत गराए ।
भेटवार्तामा अध्यक्ष मल्लले सभामुखलाई अर्थतन्त्रसँग जोडिएका ११ विधेयक अगाडि बढाउन आग्रह गरेका थिए ।
प्रतिक्रिया