काठमाडौँ- नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ ले आफूसँग  भएको सहमति कार्यान्वयन गर्न राज्यले इमान्दारीता नदेखाएको बताएका छन्।

सोमबार काठमाडौँमा आयोजित एक कार्यक्रममा विप्लवले राज्यले आफूहरूसँग तीन बुँदे सहमति गरे पनि इमानदारिताका साथ कार्यान्वयन नगरेको बताएका हुन्।

उनले अहिले पनि ४० जनाभन्दा बढी आफ्ना कार्यकर्ता जेलमा राखेर राज्यले षडयन्त्र गरेको जिकिर गरे। अहिले राज्यमा बसेर स्वार्थका आधारमा काम गर्ने विरुद्ध लड्ने बेला आएको उनको भनाइ छ । विप्लवले देशको ढुकुटी डुबाउने, देशको अर्थतन्त्र तहस नहस बनाउने काम भएको र जनताको आवाज नसुन्ने प्रवृत्ति हाबी भएको जिकिर गरे। उनले दलाल पूजिँबादका जराहरू फाल्न अन्तिम लडाई हुने तर्क गरे।

उनले मुलुकमा आर्थिक क्षेत्रमा ठूलो संकट देखा परेको धारणा पनि राखे।