सर्लाही– प्रहरी र नेत्रविक्रम चन्द ‘विप्लव’ समूहबीच सर्लाहीमा गोली हानाहान भएको छ ।

दोहोरो गोली हानाहानमा विप्लव समूहका एक जनाको मृत्यु भएको छ । बिहीबार दिउँसो सर्लाहीको लालबन्दी नगरपालिका–१ लखनदेवी खोला छेउमा प्रहरी र विप्लव समूहबीच गोली हानाहान भएको र दोहोरो झडपमा एक जनाको मृत्यु भएको प्रहरीले जनाएको छ ।

मृत्यु हुनेमा कुमार पौडेल रहेको प्रहरीको भनाइ छ । उनी नेकपाका सर्लाही इन्चार्ज रहेको प्रहरीले दाबी गरेको छ ।

नेपाल प्रहरीका केन्द्रीय प्रवक्ता डीआइजी विश्वराज पोखरेलले घटनाको पुष्टि गर्दै प्रहरी टोलीले थप अनुसन्धान गरिररहेको खबरहबसँग बताए । पौडेलको साथबाट पेस्तोल र गोली बरामद भएको प्रहरीले बताएको छ ।

अन्य तीनजना भने भागेको प्रहरीको भनाइ छ ।