काठमाडौं– एएफसी कप फुटबल अन्तरगत अबहानी ढाकासँगको अवे खेलमा नेपालको लिग च्याम्पियन मनाङ–मर्स्याङ्दी क्लबले फराकिलो हार व्येहोरेको छ ।

बंगलादेश नेसनल स्टेडियममा भएको खेलमा मनाङ घरेलु टोलीसँग ५–० गोल अन्तरले पराजित भयो । समूह ‘ई’ मा रहेको पाहुना टोली मनाङविरुद्ध अबहानीका लागि नविव नेवाज जीवोनले खेलको ११ औं मिनेटमा गोल गर्दै टोलीलई अग्रता दिलाएका थिए भने पहिलो हाफको इन्जुरी समयमा कार्भेनेस बेलफोर्टले अबहानीका लागि दोस्रो गोल गर्दा मनाङ पहिलो हाफमा २–० ले पछि रह्यो ।

अबहानीविरुद्धको खेलमा मनाङ दोस्रो हाफमा पनि खेलमा फर्किन नसक्दा अबहानीले दोस्रो हाफमा पनि २ गोल गर्दै मनाङविरुद्ध ४–० गोलको जीत हात पार्यो ।

खेलको ६३ औं मिनेटमा जेवाल राना र ७५ औं मिनेटमा सन्डे चिजोवाले गोल गर्दा मनाङ ४–० ले पछि परेको थियो भने खेलको इन्जुरी समयमा मामुनुल इस्लामले गोल गर्दा मनाङ ५–० को फराकिलो अन्तरले पराजित भयो । यो सँगै मनाङको एफसी कपको समूह चरणबाटै बाहिरिएको छ ।