काठमाडौँ– दक्षीण भारतीय फिल्म ‘मेजर’ ओटीटीमा रिलिज भएको छ । ओटीटी जायन्ट नेटफ्लिक्समा रिलिज भएको फिल्मले राम्रो प्रतिक्रिया बटुलिरहेको छ । सामाजिक सञ्जालमा फिल्मको चर्चा बढेपछि यसलाई हेर्नेको संख्या पनि बढेको छ । 

‘मेजर’ मा शहिद एनएसजी कमान्डो सन्दीप उन्नीकृष्णनको जीवनमा आधारित फिल्म हुनेछ। उन्नीकृष्णन मुम्बईमा नोभेम्बर २६ मा भएको आतङ्ककारी आक्रमणमा सहिद भएका थिए। यसपटक मुम्बईको ताज अट्याकलाई मेजर सन्दीपको जीवनीबाट देखाइएको छ । ‘मेजर’ को निर्माण तेलुगु सुपरस्टार महेश बाबुको कम्पनी जीएमबी इन्टरटेनमेन्ट, सोनी पिक्चर्स र ए प्लस एस मुभिजले निर्माण गरेका हुन्। 

फिल्मका निर्देशक शशि किरणले गरेका छन् । उनले फिल्ममा मेजर सन्दीपको जीवको अन्य पाटोलाई समेत फिल्ममा देखाउने प्रयास गरेका छन् । फिल्ममा मेजरको भूमिकामा अदिवी शेष छन् । अन्य कलाकारहरुमा साइ माञ्जेकर, प्रकाश राज, रेवन्ति, शोविता धुल्लिपल्ला रहेका छन् ।