काठमाडौँ – बलिउड अभिनेता अक्षय कुमारको समय केही समय यता ठिकठाक छैन । उनले अभिनय गरिरहेको फिल्मले दर्शकको साथ पाउन सकेको छैन ।

रिलिज भएका प्राय फिल्मले एक सय करोडको अंक कटाउने अक्षयको फिल्म पछिल्लो समय निर्माण लागतमा मात्र त्यो संख्या कटाउन सफल छ । अर्थात् फिल्मको लागतको २५ प्रतिशत पनि आर्जन गर्न सकेको छैन ।

यसैले गर्दा केही समय यता रोकिएको उनी अभिनीत हिट फिल्म ‘राउडी राठौर’को सिक्वेलको काम अगाडी बढाएका छन् । केवी विजयेन्द्र प्रसादले केही समय अगाडी नै हिन्दी भाषाको लागि सिक्वेल लेखिरहेको बताएका थिए ।

यद्यपि अक्षयको व्यस्तताले गर्दा फिल्मको काम अगाडी बढ्न सकेको थिएन । सञ्जयलीला भन्सालीको निर्माण रहेन फिल्मको सिक्वेलको काम तीव्र गतिमा अगाडी बढिरहेको छ।

फिल्मको सिक्वेलमा अघिल्लो सिरिजका अभिनेता अक्षय कुमार र अभिनेत्री सोनाक्षी सिन्हा नै दोहोरिने बताइएको छ । दुवैको ‘शिवा’ र ‘पारो’ नै नाम हुनेछ, जुन अघिल्लो फिल्ममा थियो । फिल्मको कथा भने अघिल्लो फिल्मको अन्त्यबाट हुने छैन । किनकि सिक्वेलको कथा अलग हुनेछ ।