काठमाडौं– प्रधानमन्त्री केपी शर्मा ओलीले मंगलबार साँझ विशेष पत्रकार सम्मेलन बोलाएका छन् ।

समसामयिक विषयमा आफ्ना धारणा सार्वजनिक गर्न प्रधानमन्त्रीले पत्रकार सम्मेलन बोलाएका जनाइएको छ ।

प्रधानमन्त्री ओलीले आफ्नो युरोप भ्रमण र गुठी विधेयकसँग सम्बन्धित विरोधबारे आफ्नो धारणा राख्न आज संसदमा बोल्ने समय लिएका थिए ।

तर, प्रमुख प्रतिपक्षी दल नेपाली कांग्रेसको अवरोधका कारण प्रधानमन्त्रीले संसदलाई सम्बोधन गर्न पाएनन् ।

सभामुख कृष्णबहादुर महराले बैठकको प्रारम्भमै प्रधानमन्त्री ओलीलाई बोल्न समय दिएका थिए । तर, प्रतिपक्षी दल कांग्रेसले पहिले प्रतिपक्षी दलले बाल्न पाउनुपर्ने भन्दै संसद वैठक अवरोध ग¥यो ।

कांग्रेसको अवरोधपछि सभामुख महराले मंगलबारको संसद बैठक स्थगित गरेका छन् । संसदको अर्को बैठक बुधबार विहान ११ बजेका लागि बोलाइएको छ ।