काठमाडौँ – अखिल नेपाल फुटबल संघ एन्फाका ३ सदस्य टोली साफ कङ्ग्रेसमा सहभागी हुन बङ्गलादेश प्रस्थान गरेका छन् ।
बङ्गलादेशको ढाकामा शनिबार आयोजना हुने सम्मेलनको लागि महासचिव किरण राई, एन्फाका पूर्व समिति सदस्य विकास नारायण श्रेष्ठ र न्यु रोड टिमका अध्यक्ष सुन्दर नरसिंह जोशी मध्याह्न त्यसतर्फ प्रस्थान गरेको एन्फाले जनाएको छ।
सम्मेलनमा नेपालको प्रतिनिधित्व गर्दै साफ महिला च्याम्पियनसिप काठमाडौँमा आयोजना गर्नको निम्ति राईले प्रस्ताव राख्ने छन् । साथै सम्मेलनमा साफ राष्ट्रहरूमा फुटबल विकासको लागि छलफल पनि हुने एन्फाले जनाएको छ ।
प्रतिक्रिया