काठमाडौं – ब्राजिलमा जारी कोपा अमेरीकामा एसियाली टोली जापानले पहिलो खेलमा हार व्येहोरेको छ । कोपाको पहिलो खेलमा साविक विजेता चिलिसँग जापान ४–० गोल अन्तरले पराजित भयो ।

एसियाको पावर हाउसको उपनाम पाएको जापान कोपा अमेरीकामा आमन्त्रीत टोलीका रुपमा सहभागी भएको हो ।

जापानविरुद्ध चिलीले ४१ औं मिनेटमा पहिलोअग्रता लिएको थियो । जसमा खेलको ४१औं मिनेटमा एरिक पोलगारले गोल गरे । पोलगारको गोलसँगै १–० गोलले पछि परेकोे जापानविरुद्ध इड्वार्ड भर्गासले २ गोल गरे ।

उनले खेलको ५२ औं मिनेटमा टिमका लागि दोस्रो गोल गरे भने टिमलाई तेस्रो तथा व्यक्तिगत दोस्रो गोल खेलको ८३ औं मिनेटमा गोल गरे भने एलेक्स सान्चेजले ८२ औं मिनेटमा गाोल गरेका थिए ।

पहिलो खेलमा चित हात पारेको चिलीले ३ अंक जोड्दा जापान अंकबिहीन बनेको छ ।