काठमाडौँ– सन् १९७१ को भारत-पाकिस्तान युद्धताकाका भारतीय सेनापति साम मनिक्सालाई लिएर बायोपिक फिल्म ‘साम बहादुर’ निर्माण हुने भएको छ । मेघना गुल्जारले निर्देशन गर्ने फिल्ममा बिक्की कौशलले शिर्ष भूमिका निर्वाह गर्नेछन् । तलवार, राजी, छपाक जस्ता फिल्म निर्देशन गरेकी मेघनाले इण्डो-पाकको घटनालाई पुनः पर्दामा ल्याउने तयारी गरिरहेकी छिन् । 

यसअगाडि ‘राजी’ मा काम गर्दा नै विक्कीको कामसँग प्रभावित बनेकी मेघनाले त्यही अनुरूप कास्टिङ गरेकी हुन् । गोर्खा सैनिकमाझ चर्चित सामलाई सन् १९७२ मा नेपाली सेनाको मानार्थ सेनापतिको सम्मान प्रदान गरिएको थियो ।

तत्कालीन राजा वीरेन्द्रले उनलाई त्रिशक्ति पट्ट पदक सम्मान समेत प्रदान गरेका थिए । फिल्ममा फातिमा सना शेख र सान्या मलहोत्राको पनि अभिनय रहनेछ ।