काठमाडौँ- रक्षा कम्पनी ब्रह्मोस एरोस्पेसले भारतमा आगामी ५ देखि ६ वर्षभित्रमा होइपरसोनिक क्षेप्यास्त्र उपलब्ध हुने दाबी गरेको छ ।

रुस र भारत मिलेर स्थापना गरेको ब्रह्मोस कम्पनीले आफूहरु हाइपरसोनिक क्षेप्यस्त्र निर्माण गर्न सक्षम रहेको बताउँदै ५ वा ६ वर्षभित्रमा भारतले यो हतियार पाइसक्ने जानकारी दिएको हो ।

‘ब्रह्मोस एरोस्पेस हाइपरसोनिक हतियार बनाउन सक्षम छ । ५ देखि ६ वर्षभित्रमा हामीसँग ब्रह्मोसको पहिलो हाइपरसोनिक हतियार हुनेछ ।’ ब्रह्मोस कम्पनीका प्रमुख कार्यकारी एवम् प्रबन्ध निर्देशक अतुल रानेलाई उद्धृत गर्दै भारतीय समचार संस्था एएनआईले जनाएको छ ।

भारतीय सैन्यबलका तीनै एकाइहरुमा सुपरसोनिक हतियार तैनथ रहेको बताइएको छ । भारतीय नौसेनामा सन् २००५ बाट, भारतीय स्थल सेनामा सन् २००७ बाट, र भारतीय वायुसेनामा सन् २०२० बाट सुपरसोनिक क्षेप्यास्त्र तैनाथ गरिएको एएनआइले जनाएको छ ।

सुपरसोनिक क्षेप्यास्त्रको गति २१ सय देखि २३ सय माइल प्रतिघण्टा हुने जनाइएको छ । हाइपरसोनिक क्षेप्यास्त्रको गति योभन्दा ५ गुणासम्म तेज हुने गर्छ ।