काठमाडौँ- जुम्लाका पत्रकार आवाज विहीनको आवाज बन्नुपर्ने आम सञ्चार तथा पत्रकारिता विभागका उपप्राध्यापक युवराज शर्माले बताएका छन् ।

उनले सामाजिक विकास कार्यालय जुम्लाको आर्थिक सहयोग, नेपाल पत्रकार महासंघ शाखा जुम्लाको समन्वयमा र वर्षा मल्टी प्रपोज मिडियाको आयोजनामा जुम्लाका क्रियाशील पत्रकारलाई रेडियो पत्रकारिता, उद्घोषण तथा अधारभुत पत्रकारिता सम्बन्धित तालिम यस्तो बताएका हुन् ।

उनले पत्रकारितामा अवसर र चुनौती दुबै भएको बताए । पत्रकार नागरिकलाई सुसूचित बनाउने र सरकारी निकायलाई जवाफदेही तथा जिम्मेवार बनाउने निकाय भएको बताए ।

त्यस्तै जुम्लाकी प्रमुख जिल्ला अधिकारी विजया कुमारी प्रसाईँले  जनताले सूचना नै नपाए पत्रकारले लेखेको औचित्य नहुने बताइन् । उनले नागरिकको आवाज रेडियोले सशक्त रूपमा उठाउनुपर्ने धारणा राखिन् ।