काठमाडौँ- आगामी सिजनको प्रिमियर लिगको तालिका सार्वजनिक भएको छ । इङिलश फुटबल एसोसिएसन एफएले सार्वजनिक भएको खेलतालिका अनुसार लिग अगस्ट ५ देखि २८ मेसम्म खेलाइने छ ।

फाइनलका १० खेल एकै समयमा खेलाइनेछ । कुल ३८० खेलहरु रहेको खेल तालिकाको समय भने परिस्थितिअनुसार परिवर्तन हुन सक्ने सम्भावना रहेको छ ।

पहिलो खेलमा क्रिस्टल प्लालेस र आर्सनल भिड्दैछन् । लिगको उद्घाटन खेल अगस्ट ५ गते सुरु हुनेछ । साविक विजेता म्यान्चेस्टर सिटीको पहिलो खेल भने वेस्ट ह्यामविरुद्ध रहेको छ ।

कतारमा आयोजनमा हुने विश्व कप फुटबलका कारण १२ नोभेम्बर देखि २६ डिसेम्बरसम्मका लागि लिगमा ब्रेक दिइएको छ । विस्तृतमा प्रिमियर लिगको खेल तालिका हेर्न प्रिमियर लिगको आधिकारिक वेबसाइटमा हेर्न सकिन्छ ।