काठमाडौँ- दुबई पठाइदिन्छु भनी रकम ठगी गरेको आरोपमा एक जनालाई प्रहरीले पक्राउ गरेको छ । पक्राउ पर्नेमा  मुगु खत्याड गाउँपालिका वडा न. ११ घर भई  हाल काठमाडौंको कागेश्वरी मनोहरा नगरपालिका बस्दै आएका ३१ वर्षीय निराजन कार्की रहेका छन् । कार्की भिजन मल्टिपर्पोज प्रा.लि का सञ्चालक समेत हुन् ।

कार्कीले दार्चुलाको लेकम गाउपालिका वडा न ६ घर भई हाल काठमाडौँ महानगरपालिका विशालनगर बस्ने ४१ वर्षीय तारा गिरीलाई वैदेशिक रोजगारको लागि दुबई पठाइदिन्छु भनी सात लाख रुपैयाँ लिई सम्पर्क विहीन भई ठगी गरेको भन्ने उजुरी प्राप्त भएपछि जेठ ३१ गते प्रहरीले काठमाडौँ महानगरपालिका वडा न. ३१ नयाँबानेश्वरबाट उनलाई पक्राउ गरेको हो ।

पक्राउ परेका कार्कीलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर पठाइएको प्रहरीले जनाएको छ ।