पेशावर– पाकिस्तानमा राज्यस्तरका एकजना नेताले फेसबुकमार्फत् पत्रकार सम्मेलनको प्रत्यक्ष प्रसारण गर्दा ‘क्याट फिल्टर’ अफ गर्न बिर्सेपछि हासोको पात्र बनेका छन् ।
पाकिस्तानको खैबर पख्तुनख्वा राज्यमा सत्तारुढ तहरिक–ए–इन्साफ पाकिस्तान पार्टीका नेता शौकत युसुफजाईले फेसबुकमार्फत् प्रत्यक्ष प्रसारण गरिएको पत्रकार सम्मेलनका क्रममा क्याट फिल्टर अफ गर्न बिर्से ।
फेसबुकमार्फत प्रत्यक्ष प्रसारणमा उनको अनुहारमा बिरालोकोजस्तो जुँगा र टाउकोमा बिरालोकोजस्तै कान देखिएको थियो ।
त्यसपछि प्रत्यक्ष हेरिरहेका दर्शकले लाइभ कमेन्टमा उनको राम्रैसँग मजाक उडाएका थिए । उनको त्यस तस्बीर अहिले भाइरल भइरहेको छ ।
प्रतिक्रिया