काठमाडौँ– भारत प्रशासित जम्मु कश्मीरमा विस्फोटक पदार्थ बोकेको मानवरहित हवाइ उपकरण (ड्रोन) खसालिएको छ ।
जम्मु कश्मीरको काथुवा जिल्लामा भारतीय सुरक्षा फौजले ७ वटा विस्फोटक पदार्थ एवम् ७ वटा अन्डर ब्यारेल ग्रिनेड लन्चर जडान गरिएको ड्रोन खसालेको भारतीय समाचार संस्था एएनआईले जनाएको छ ।
गस्तीमा रहेको सुरक्षा फौजले गोप्य सूचनाका आधारमा ड्रोन खसालिएको कथावा जिल्लाका एएसएसपी आरसी कोटवललाई उद्धृत गर्दै एएनआईले जनाएको छ ।
विस्फोटक जडित ड्रोन खसालिएबाट ठूलो घटना टरेको एसएसपी कोटवलले जनाएका छन् । प्रहरीले घटनाको अनुसन्धान भइरहेको जनाएको छ ।
प्रतिक्रिया