काठमाडौं : प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालबीच आज भेटवार्ता भएको छ । बालुवाटारस्थित प्रधानमन्त्री निवासमा तीन शीर्ष नेताबीच आज साँझ भेटवार्ता भएको हो ।
उनीहरुबीच झण्डै २ घण्टा भेटवार्ता भएको बताइएको छ । यसअघि पनि नेता नेपाल प्रधानमन्त्री देउवालाई भेट्न बालुवाटार पुगेका थिए । भेटवार्तामा निजगढ विमानस्थल निर्माण, मन्त्रि हेरफेर, सत्तारुढ गठबन्धनलाई बलियो बनाउने लगायतका विषयमा छलफल भएको थियो ।
आजै प्रधानमन्त्री देउवासँग लोसपा अध्यक्ष महन्थ ठाकुर र नेता राजेन्द्र महतोसँग पनि भेटवार्ता गरेका थिए । त्यस्तै सोमबार नै डा. बाबुराम भट्टराईले पनि देउवासँग भेटवार्ता गरेका थिए ।
पछिल्लो समय कांग्रेस नेतृत्वको गठबन्धन तोड्न जसपाका अध्यक्ष उपेन्द्र यादव सक्रिय रहेको टिप्पणी बाबुराम नै गर्न थालेका छन् । यस्तै केही समय पहिले ओलीको लागि जसपा फुटाएका महन्थ ठाकुर र राजेन्द्र महतो पनि अहिले एमालेविरुद्ध गठबन्धनमै लाग्ने संकेत देखाइरहेका छन् ।
सोही कारण सोमबार बालुवाटारमा भएको भेटवार्ता गठबन्धन जोगाएर चुनावमा जाने र थप बृह्त बनाउने तयारी घनीभूत छ । यसका लागि एमाले नेताहरुको सक्रियता र सम्भावित योजनाका साना–साना सूचनाबारेमा पनि बालुवाटारमा गम्भीर छलफल हुने गरेको छ ।
यो पनि पढ्नुहोस
प्रतिक्रिया