काठमाडौं– भारतको कपडा निर्यात ह्वात्तै बढेको पाइएको छ । आर्थिक वर्ष सन् २०२२ मा भारतले कूल ४४ अर्ब ४० करोड अमेरिकी डलरको कपडा निर्यात गरेको भारतीय अनलाइन समाचार पोर्टल लाइभमिन्टले जनाएको छ ।
आर्थिक वर्ष सन् २०२० र सन् २०२१ को तुलनामा यो क्रमशः ४१ र २६ प्रतिशतले बढी रहेको जनाइएको छ । भारतले निर्यात गर्ने कपडा सबैभन्दा धेरै २७ प्रतिशत अमेरिका पुग्ने गरेको छ ।
त्यस्तै, भारतले निर्यात गर्ने १८ प्रतिशत कपडा युरोपेली युनियन पुग्ने गरेको जनाइएको छ ।
त्यसैगरी भारतीय कपडाका अरु प्रमुख निर्यात गन्तव्यहरु बंगलादेश र संयुक्त अरब इमिरेट्स पनि रहेको भारतीय सञ्चारमाध्यमले जनाएका छन् ।
प्रतिक्रिया