काठमाडौं- मानसिक सन्तुलन गुमाएका व्यक्ति विद्युत् हाइटेन्सन प्रसारण लाइनमा चढेपछि माथिल्लो त्रिशूली थ्री ए आयोजनाकाे विद्युत् उत्पादन नै राेकिएकाे छ ।

ककनी गाउँपालिका–७ स्थित त्रिशूली माता तीर्थ प्रसारण लाइनमा बिहान १० बजेबाट मानसिक सन्तुलन गुमाएका बेलकोटगढी नगरपालिका १३ घलेगाउँका ४४ वर्षीय माइला बिक चढेका छन् । उनी प्रसारण लाइनमा चढेपछि प्राधिकरणले प्रसारण लाइनमा विद्युत् प्रवाह रोकेको छ । भने माथिल्लो त्रिशूली थ्री ए आयोजनाले विद्युत् उत्पादन नै राेकेकाे छ ।

विहानै देखि प्रसारण लाइनमा चढेका उनी झर्नै नमान्दा समस्या भएको ककनी गाउँपालिकाका अध्यक्ष सुमन तामाङले जानकारी दिए । उनलाई तल झार्नलाई प्रयास गरेपनि नमानेको उनले बताए ।