प्रकृतिलाई नै चुनौती दिँदै धेरै भन्दा धेरै आविष्कार भइरहेका छन् । नयाँ प्रविधिको विकाससँगै भएका नयाँ आविष्कारले सबैलाई चकित बनाउने गरेको छ । कुनै समय अन्तरिक्ष यात्राका लागि तयार पारिएको रोवर्ट अहिले मानिसको साथी जस्तो भएको छ । अझ रोचक त यो छ कि अब चाँडै मानिससँग विवाहका लागि तयार हुने गरी पनि रोवर्टको आविष्कार हुँदैछ ।

वैज्ञानिकहरुको दावी मान्ने हो भने सन् २०५० सम्ममा मानिसले रोवर्टसँग बिहे गर्ने छन् । आर्टिफिसिय इन्टेलिजेन्स (एआई) एक्सपर्ट डा.डेभिड लेभी भन्छन्, ‘डा.डेभिडलाई कि त मानिसहरू चेस खेलमा उनको शक्तिलाई चिन्छन् कि त उनको एआईसँगको दशकौं लामो संलग्नताका कारणले चिन्छन् ।’

मानिसले पहिलेदेखि नै रोवर्टसँग सम्बन्धको विकास गरेको भन्दै अब वैवाहिक कार्यक्रमका लागि पनि तयार हुने लेभीले बताए । उनले भने, ‘मानिसहरू पहिल्लेदेखि नै रोबोटसँग शारीरिक सम्बन्ध कायम गर्दै आएका छन्, त्यसैले पनि अब रोबोटले मानिसलाई भावनात्मक तथा शारीरिक रुपमा सन्तुष्ट पार्ने छ भन्ने कल्पना स्वाभाविक देखिन्छ ।’

यसका लागि तयारी थालेको र अब चाँडै नै मानिससँग शारीरिक सम्बन्ध स्थापना गर्नेगरी रोवर्टको आविष्कारको काम शुरु भएको लेभीले बताए ।