काठमाडौं- ‘वाई वाई ग्लोकल टिन हिरो’ नेपाल २०२२ को लागि पुर्वी क्षेत्रका विभिन्न शहरहरुमा जानकारी गराउने उद्देश्यले (एक्टीभेसन) कार्यक्रम सुरु गरिएको छ ।

नेपालको पुर्वी क्षेत्रमा भद्रपूर, कांकडभित्ता, फिक्कल, धरान, विराटनगर लगायत विभिन्न शहरमा वाई वाई ग्लोकल टीन हीरो नेपाल २०२२ बारे जानकारी गराउन निम्ति विधालयहरूमा एक्टिभेशन कार्यक्रम भईरहेको हो ।

यस कार्यक्रम मार्फत सयौँ विधालयका हजारौँ किशोरकिशोरीहरूलाई वाई वाइ ग्लोकल टिन हिरोको बारेमा जानकारी गराईने छ । ‘वाई वाई ग्लोकल टिन हिरो, ग्लोकल प्रालीको एक कार्यक्रम हो जहाँ किशोर किशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरु माझ चिनाउने काम गरिन्छ ।

वाई वाई ग्लोकल टिन हिरोले किशोर किशोरीहरुको कार्यहरुलाई पहिचान गर्ने र उनीहरुको प्रतिभा उजागर गर्न पनि मद्दत गर्दछ ।
वाई वाई ग्लोकल टीन हीरो नेपालको आठौं संस्करणका लागि आवेदन पनि खुलीसकेको छ । प्रतिभावान किशोर किशोरिहरुले https://glocalteenhero.com/nepal मार्फत निशुल्क आबेदन भर्न सक्ने छन् । यसबाहेक, आफुले चिनेका अद्भुत किशोर किशोरीहरूलाई मनोनयन गर्न पनि सकिनेछ । यस बर्षको ग्लोकल टिन हिरो नेपाल सेप्टेम्बर १,२०२२ मा हुने अवार्ड कार्यक्रम सम्मेलन मार्फत घोषणा गरिनेछ ।