काठमाडौँ–  माधवकुमार नेपाल नेतृत्वको नेकपा एकीकृत समाजवादीले मन्त्रिमण्डलमा हेरफेर गर्न आफ्ना तर्फबाट हेरफेर गरेका मन्त्रीहरूको सिफारिसको कार्यान्वयन अन्यौलमा परेको छ।

बजेट अधिवेशन चलिरहेको र मन्त्रीहरूले संसद्मा जवाफ फर्काउँनुपर्ने भएकाले तत्कालै मन्त्रीहरू हेरफेर गर्न नहुने प्रधानमन्त्री शेरबहादुर देउवाको अडान र समाजवादी पार्टीभित्रको आन्तरिक विवादले सपथ अन्यौलमा थपेको छ। एकीकृत समाजवादीले सहरी विकास मन्त्रीमा मेटमणि चौधरी, स्वास्थ्य तथा जनसङ्ख्यामा मन्त्रीमा भवानी खापुङ, संस्कृति, पर्यटन तथा नागरिक उड्डयन मन्त्रीमा जीवनराम श्रेष्ठ, श्रम, रोजगार तथा सामाजिक सुरक्षा मन्त्रीमा शेरबहादुर कुँवर र स्वास्थ्य तथा जनसंख्या राज्यमन्त्रीमा हीरा केसीलाई सिफारिस गरेको थियो। समाजवादीबाट सरकारमा रहेका मन्त्रीहरूले समेत प्रधानमन्त्री देउवालाई भेटी पार्टीको निर्णय प्रक्रिया र शैलीमा आपत्ति जनाउँदै तत्काल मन्त्रीहरू परिवर्तन नगर्न आग्रह गरेका थिए।