काठमाडौँ– अभिनेत्री नीता ढुंगाना र अभिनेता हरिहर अधिकारीले विवाह गर्ने भएका छन् । आफ्नो प्रेम जीवनलाई यो जोडीले विवाहमा परिणत गर्न लागेका हुन् । नीताले आफूहरूले असारको अन्तिम साता विवाह गर्न लागेको बताइन । ‘असारमा विवाह गर्ने तय भएको छ । यद्यपि हाम्रो डेट भने तय गरेका छैनौँ । छिटै तय हुन्छ’ नीताले भनिन् । 

यद्यपि असार २४ मा विवाह गर्ने तयारी भैरहेको उनका निटक बताउँछन् । नीताले भनिन् डेट छिटै तय हुने मात्र बताइन । ‘असारको अन्तिम साइत २४ गते भएकाले त्यो लागेको हुन् सक्छ । यद्यपि अहिले नै तय छैन’ उनले भनिन् । तीन वर्षदेखि प्रेम सम्बन्धमा रहेको यो जोडीले निर्माण हुन लागेको फिल्म ‘ह्रस्वदीर्घ’ छायांकनको छेकोमा बिहे गर्न लागेको हो । फिल्म भने असोजबाट छायांकनमा जानेछ ।