समय समयमा स्कुलमा छात्राहरु काम्ने, रुने कराउने र बेहाेस् हुने समस्याका समाचार आइरहन्छन् । यस्ता समस्याका कारण कति ठाउँमा विद्यालयहरु नै बन्द समेत हुने गरेको छ । पठनपाठन प्रभावित भएपछि शिक्षकहरुले नै विद्यालयमै झारफुक समेत गर्ने गरेको पाइन्छ ।

विद्यर्थीहरु कराउने, चिच्याउने रुने र बहोस् हुने समस्या हुनु भने मास हिस्टेरिया हो । यसलाई चिकित्सकीय भाषामा कन्भर्सन डिसअर्डर भनिन्छ । यो मानिसक स्वास्थ्य समस्या हो ।

मानसिक तनावलाई व्यक्त गर्न वा समस्या समाधान गर्न नसक्दा विद्यार्थीहरुमा यो रोगको लक्षण देखिन सक्छ । तनावका कारण देखिने रोग भएकाले मास हिस्टेरियाको उपचार भनेको काउन्सिलिङ नै हो ।

विद्यार्थीलाई मास हिस्टेरिया भएमा यस्तो गर्नुस्

–विद्यालयमा छात्रछात्राहरु बेहाेस् हुने वा कराउने भएमा आत्तिनु हुदैन,

– बिरामीको वरीपरि भिड लाग्न नदिने,

– मास हिस्टेरियाका लक्षण देखिएको बिरामीलाई छुट्टै कोठामा लैजाने,

–बिरामीलाई एक्लै आराम गर्न दिने,

–बिरामीको होस् खुलेपछि राम्रोसँग कुराकानी गर्ने,

– उनीहरुको तनावको कारण पत्ता लगाउने,

–शिक्षकले पढाउँदा विद्यार्थीलाई डर, त्रास देखाउनु हुँदैन,

–विद्यार्थीलाई शारीरिक तथा मानसिक परिवर्तनको विषयमा शिक्षा दिनुपर्छ ।