काठमाडौँ- वाई वाई ग्लोकल टीन हिरो नेपाल को आठौँ संस्करणकालागि आवेदन खुलेको छ ।

किशोर किशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरु माझ चिनाउने उद्देश्यले टिन हिरोको आयोजना गर्न लागिएको हो ।

आवेदन दिनका लागि यसको आधिकारिक वेबसाइटमा मा गई फाराम भर्नुपर्ने व्यवस्था रहेको छ । यस बर्षको ग्लोकल टिन हिरो आगामी सेप्टेम्बर १ मा एक कार्यक्रम मार्फत घोषणा गरिनेछ ।

यसका माध्यमबाट किशोर किशोरीहरुमा उद्यमशील सोच बिकास एवं रचनात्मक सुरुवातको लागि थप उर्जा प्रदान गरिने ग्लोकल टिन हिरोद्वारा जारी विज्ञप्तिमा उल्लेख छ ।

सन् २०१५ मा सुरु भई काठमाडौंका किशोर किशोरीहरूलाई मात्र लक्षित गरेर पछि सन् २०१६ सम्ममा यसले नेपालका सबै किशोर किशोरीहरूको लागि राष्ट्रिय मञ्च उपलब्ध गराउन थालेको बताइएको छ ।

हालसम्म नेपालका सात किशोर किशोरिहरुलाई ग्लोकल टिन हिरो नेपालका रुपमा सम्मानित गरिएको विज्ञप्तिमा जनाइएको छ ।