काठमाडौँ– पछिल्लो फिल्म ‘आरआरआर’ मा देखिएसँगै अभिनेता राम चरणको फ्यान बढिरहेका छन् । यी साउथ इन्डियाका हिरोको फ्यान अहिले विश्वभर छन् । यिनै राम चरणलाई एक फ्यानले २ सय ६४ किलोमिटर पैदल यात्रा गर्दै भेटेका छन् । फ्यानले आफ्नो धान खेतमा उनको तस्बिर बनाए र आफ्नो खेतको फोटो फ्रेम लिएर उनलाई भेटेका हुन् । फ्यानले २ सय ६४ किलोमिटर लामो दुरी पैदल यात्रा गरेको कुरा रामचरणलाई थाहा हुने बित्तिकै उनले फ्यानलाई भेटे र उनीसँग बसेर फोटो खिचे।

रामचरणले व्यस्त कार्यक्रमबाट समय निकालेर हैदरावादस्थित आफ्नो घरमा फ्यानलाई भेटे । फ्यानले आफ्नो खेतमा धानबाट रामचरणको अनुहार बनाएका थिए । त्यसपछि गडवाल जयराजले आफ्नो फोटो फ्रेम गराएर रामचरणलाई उपहार दिए । जयराजले चामलको बोरा पनि ल्याएका थिए । यससँगै रामचरणले जयराजसँगको फोटो पनि क्लिक गरेका छन्, जुन सामाजिक सञ्जालमा निकै भाइरल भइरहेको छ ।